Plantun de Prouvènço

Pèr coumpara dos planto d'encò nostre

Caltha palustris & Pulicaria odora

Gauche-d'aigo

Caltha palustris

Ranunculaceae

Àutri noum : Gauchet-d'aigo, Peirouleto, Bescuchèu, Erbo-dóu-marfoundemen.

Noms en français : Populage des marais, Caltha des marais.

Descripcioun :
Au nostre, lou gauche-d'aigo se vèi soulamen en mountagno que i'agrado lis endré fres e bagna. Douno un pau d'èr à l'auriheto, Ficaria verna, emé si flour jauno, pamens li fueio soun eici redouno, en couor à la baso, ço qu'a douna li noum de peirouleto (pichot peiròu) e de bescuchèu (pichot bescue).

Usanço :
La planto caup, coume lis àutris Ranunculaceae, de proutou-anemounino, pamens li jóuini fueio e flour podon èstre manjado. Autramen fau faire couire mant'un cop la planto o la faire seca. Èi counseiado pèr lucha contro lou mau d'os. Èi peréu sudourifico (erbo-dóu-marfoundamen), antispasmoudico e sedativo. Fretado sus la pèu levo la doulour e fai veni rouge (rubeficanto).

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Caltha
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 4 Cm
Flourido : Printems - Estiéu

Sòu : Ca
Autour basso e auto : 800 à 2300 m
Aparado : Noun
Abriéu à juliet

Liò : Riéu - Prado umido - Palun - Sourgènt
Estànci : Coulinen à Subaupen
Couroulougi : Bourealo
Ref. sc. : Caltha palustris L., 1753

Erbo-di-niero(-óudouranto)

Pulicaria odora

Asteraceae Compositae

Nom en français : Pulicaire commune .

Descripcioun :
Aquesto erbo-di-niero èi coumuno dins li relarg safrous de Prouvènço séusouso. Se recounèis à si fueio basalo pelouso, reticulado e pulèu grando (10 à 15 cm de long) en raport à-n-aquéli de la cambo. Li flour coumpausado fan mai de 15 mm de diamètre.

Usanço :
Couneissèn pas d'usanço traditiounalo pèr aquesto planto. Lis estùdi d'aro monstron d'ùni prouprieta anti-bateriano e contro li champignoun.

Port : Erbo
Taio : 20 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Pulicaria
Famiho : Asteraceae
Famiho classico : Compositae
Tribu : Inuleae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 1,5 à 3 cm
Flourido : Printèms

Sòu : Si
Autour basso e auto : 0 à 1200 m
Aparado : Noun
Mai à jun

Liò : Terraire safrous - Suviero - Éusiero - Espinau
Estànci : Termoumediterran à Mesoumediterran
Couroulougi : Eurimediterrano
Ref. sc. : Pulicaria odora (L.) Rchb., 1831

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

CCC

ges

Caltha palustris & Pulicaria odora

ges

Coumpara Gauche-d'aigo emé uno autro planto

Coumpara Erbo-di-niero(-óudouranto) emé uno autro planto